สพฺพานิ อภิสมฺโภนฺโต ส ราชวสตึ วเสติ ฯ

ตตฺถ ตุลา ยถาติ ยถา เอสา วุตฺตปฺปการา ตุลา น โอนมติ น อุนฺนมติ เอวเมว ราชเสวโก กิสฺมิญฺจิเทว กมฺเม รญฺญา อิทํ นาม กโรหีติ อชฺฌิฏฺโฐ อาณตฺโต ฉนฺทาทิอคติคมนวเสน น วิกมฺเปยฺย สพฺพกิจฺเจสุ ปคฺคหิตตุลา วิย สโม ภเวยฺย ฯ ส รา ชวสตินฺติ โส เอวรูโป เสวโก ราชกุเล วาสํ วเสยฺย ราชานํ ปริจเรยฺย เอวมฺปริจรนฺโต จ ปน ยสํ ลเภยฺยาติ อตฺโถ ฯ สพฺพานิ อภิสมฺโภนฺโตติ สพฺพานิ ราชกิจฺจานิ กโรนฺโต ฯ

ทิวา วา ยทิ วา รตฺตึ ราชกิจฺเจสุ ปณฺฑิโต

อชฺฌิฏฺโฐ น วิกมฺเปยฺย ส ราชวสตึ วเส