ตปฺเปยฺย อนฺนปาเนน ส ราชวสตึ วเส

สมเณ พฺราหฺมเณ จาปิ สีลวนฺเต พหุสฺสุเต

อาสชฺช ปญฺเญ เสเวถ อากงฺขํ วุฑฺฒิมตฺตโน ฯ

ตตฺถ สกฺกจฺจํ ปยิรูปาเสยฺยาติ คารเวน ปุนปฺปุนํ อุปสงฺกเมยฺย ฯ อนุวาเสยฺยาติ อุโปสถวาสํ วสนฺโต อนุวตฺเตยฺย ฯ ตปฺเปยฺยาติ ยาวทตฺถํ ทาเนน ตปฺเปยฺย ฯ อาสชฺชาติ อุปคนฺตฺวา ฯ ปญฺเญติ ปณฺฑิเต ฯ อาสชฺช ปญฺหนฺติ วา ปาโฐ ฯ ปญฺหนฺติ ปณฺฑิเตหิ ปญฺญาย กตฺตพฺพํ กุสลากุสลํ การณํ ปุจฺเฉยฺยาติ อตฺโถ ฯ