อจฺฉาทเน จ นหาปเน โธเว ปาเท อโธสิรํ

อาหโตปิ น กุปฺเปยฺย ส ราชฺวสตึ วเสติ ฯ

ตตฺถ อโลโภติ อลุทฺโธ ฯ อนุวตฺโต จสฺส ราชิโนติ อสฺส ราชิโน มนํ อนุวตฺโต ฯ จิตฺตตฺโถติ จิตฺเต ฐิโต ราชจิตฺตวสิโกติ อตฺโถ ฯ อสํกุสกวุตฺติสฺสาติ อปฏิโลมวุตฺติ อสฺส ฯ อโธสิรนฺติ ปาเท โธวนฺโตปิ สิรํ อโธ กตฺวา เหฏฺฐามุโขว โธเวยฺย น รญฺโญ มุขํ โอโลเกยฺยาติ อตฺโถ ฯ

กุมฺภิมฺหิ อญฺชลึ กยิรา วายสํ วาปิ ปทกฺขิณํ