พาหา ปคฺคยฺห ปกฺกนฺทุํ กสฺมา โน วิชเหสฺสสีติ ฯ

ตตฺถ เสนฺตีติ มหาตเล ฉินฺนปาทา วิย ปติตา อาวฏฺฏนฺตา ปริวตฺตนฺตา สยนฺติ ฯ ภริยานนฺติ ภริยานเมว อิตฺถีนํ สหสฺสํ ฯ กสฺมา โนติ เกน การเณน อมฺเห วิชเหสฺสสีติ ปริเทวึสุ ฯ

มหาสตฺโต สพฺพนฺตํ มหาชนํ อสฺสาเสตฺวา อวเสสานิ กิจฺจานิ กตฺวา อนฺโตชนํ พหิชนญฺจ โอวทิตฺวา อาจิกฺขิตพฺพยุตฺตกํ สพฺพํ ปุตฺตทารสฺส อาจิกฺขิตฺวา ปุณฺณกสฺส สนฺติกํ คนฺตฺวา อตฺตโน นิฏฺฐิตกิจฺจํ ตสฺส อาโรเจสิ ฯ

ตมตฺถํ ปกาเสนฺโต สตฺถา อาห