สพฺเพ อคฺคึ ปวิสฺสาม นตฺถตฺโถ ชีวิเตน โนติ ฯ

สมฺมาสมฺพุทฺธปรินิพฺพานกาเลปิ มยํ อคฺคึ ปวิสิตฺวา มริสฺสามาติ วตฺตาโร นาเหสุํ อโห สุวสิตํ มหาสตฺเตน นครมฺหีติ ฯ ราชา เตสํ กถํ สุตฺวา ตุมฺเห มา จินฺตยิตฺถ มา โสจิตฺถ มา ปริเทวิตฺถ มธุรกโถ ปณฺฑิโต มาณวํ ธมฺมกถาย ปโลเภตฺวา อตฺตโน ปาเทสุ ปาเตตฺวา น จิรสฺเสว อมฺหากํ อสฺสุมุขานิ หาเสนฺโต อาคมิสฺสติ มา โสจยิตฺถาติ วตฺวา คาถมาห

ปณฺฑิโต จ วิยตฺโต จ วิภาวี จ วิจกฺขโณ

ขิปฺปํ โมเจติ อตฺตานํ มา ภายิตฺถาคมิสฺสตีติ ฯ