อถ นํ มหาสตฺโต กิลิฏฺฐสรีโรมฺหิ นหายามิ ตาวาติ อาห ฯ ยกฺโข สาธูติ นหาโนทกํ อาหริตฺวา นหานกาเล มหาสตฺตสฺส ทิพฺพทุสฺสทิพฺพคนฺธมาลาทีนิ ทตฺวา อลงฺกตปฏิยตฺตกาเล ทิพฺพโภชนํ อาทาสิ ฯ มหาสตฺโต ภุตฺตโภชโน กาฬาคิริมตฺถกํ อลงฺการาเปตฺวา อาสนํ ปญฺญาเปตฺวา อลงฺกตาสเน นิสีทิตฺวา พุทฺธลีลาย สาธุนรธมฺมํ เทเสนฺโต คาถมาห

ยาตานุยายี จ ภวาหิ มาณว

อลฺลญฺจ ปาณึ ปริวชฺชยสฺสุ

มา จสฺสุ มิตฺเตสุ กทาจิ ทุพฺภิ