เอวํ มหาสตฺโต ยกฺขสฺส จตฺตาโร สาธุนรธมฺเม พุทฺธลีลาย กเถสิ ฯ เต สุณนฺโตเยว ปุณฺณโก สลฺลกฺเขสิ จตูสุ ฐาเนสุ ปณฺฑิโต อตฺตโน ชีวิตเมว ยาจติ อยํ โข ปน มยฺหํ ปุพฺเพ อสณฺฐตสฺเสว สกฺการมกาสิ อหมสฺส นิเวสเน ตีหํ มหนฺตํ ยสํ อนุภวนฺโต วสึ อหญฺจ อิมํ ปาปกมฺมํ กโรนฺโต มาตุคามํ นิสฺสาย กโรมิ สพฺพถาปิ อหเมว มิตฺตทุพฺภี สเจ ปณฺฑิตํ อปรชฺฌิสฺสามิ น สาธุนรธมฺเม วตฺติสฺสามิ นาม กึ เม นาคมาณวิกาย อินฺทปตฺตวาสีนํ อสฺสุมุขานิ หสาเปนฺโต อิมํ เวเคน เนตฺวา ธมฺมสภายํ โอตาเรสฺสามีติ จินฺเตตฺวา อาห

อวสึ อหํ ตุยฺหํ ตีหํ อคาเร

อนฺเนน ปาเนน อุปฏฺฐิโตสฺมิ

มุตฺโต ๑- มมา สิ วิสชฺมามหํ ตํ