อกฺขามิ เม นาคราเช ตมตฺถํ

ยเถว เต ลทฺธมิทํ วิมานนฺติ ฯ

ตตฺถ ตว อิทนฺติ อิทํ ตว ยสชาตํ วิมานํ วา อสสฺสตํ สสฺสตสทิสํ มา โข ยสํ นิสฺสาย ปาปมกาสีติ อิมินา ปเทน อตฺตโน ชีวิตํ ยาจติ ฯ อิทฺธีติ นาคิทฺธิ จ นาคชุติ จ กายพลญฺจ เจตสิกวิริยญฺจ นาคภวเน อุปปตฺติ จ ยญฺจ เต อิทํ วิมานํ ปุจฺฉามิ ตํ นาคราช เอตมตฺถํ กถํ นุ เต อิทํ สพฺพํ ลทฺธนฺติ กินฺนุ ตยา อิทํ วิมานํ เอวํ สมฺปนฺนํ นาคภวนํ อธิจฺจ อการเณน ลทฺธํ อุทาหุ อุตุปริณามชนฺเต อิทํ อุทาหุ สยํ สหตฺเถเนว กตํ อุทาหุ เทเวหิ เต ทินฺนํ ยเถว อิทํ ลทฺธํ เม เอตมตฺถํ อกฺขาหีติ ฯ

นาคราชา อาห