น จ เม ตาทิโส วณฺโณ อยเมโส ตโมนุโท

ยสฺส เต หทเย นตฺโก อาคโตยํ ปภงฺกโร

ตสฺส วากฺยํ นิสาเมหิ ทุลฺลภํ ทสฺสนํ ปุนาติ ฯ

ตตฺถ ปาเวกฺขีติ ปวิฏฺโฐ ฯ เยนาติ ภทฺเท วิมเล เยน การเณน ตฺวํ ปณฺฑุ เจว น จ เต ภตฺตํ รุจฺจติ ฯ น จ เม ตาทิโส วณฺโณติ ปฐวีตเล วา เทวโลเก วา น จ เอตาทิโส วณฺโณ อญฺญสฺส กสฺสจิ อตฺถิ ยาทิโส เอตสฺส คุณวณฺโณ ปตฺถริโต ฯ อยเมโส ตโม ยํ นุโทติ ยํ นิสฺสาย ตว โทหโฬ อุปฺปนฺโน อยํ เอโส สพฺพโลกสฺส ตโมนุโท ฯ ปุนาติ ปุน เอตสฺส ทสฺสนนฺนาม ทุลฺลภนฺติ วทติ ฯ