สยํ กริสฺสามิ ยถา มตินฺเตติ ฯ

ตตฺถ อฉมฺภีติ นิกมฺโป ฯ อโลมหฏฺโฐติ ภเยน อหฏฺฐโลโม ฯ อิจฺจพฺรวีติ วีมํสนวเสน อิติ อพฺรวิ ฯ มา เภถยีติ มิตฺตทุพฺภิกมฺมํ กโรมีติ มา ภายิ กถํ นุ โข อิมํ อิทานิ หนิสฺสามีติ มา จินฺตยิ ฯ นาคาติ วรุณมาลปติ ฯ อยาหมสฺมีติ อยํ อหมสฺมิ อยเมว วา ปาโฐ ฯ สยํ กริสฺสามีติ สเจ ตฺวํ อิมสฺส เม สนฺติเก ธมฺโม สุโตติ มํ มาเรตุํ น วิสหสิ อหเมว ยถา ตว อชฺฌาสโย ตถา สยํ กริสฺสามีติ ฯ

นาคราชา อาห

ปญฺญาหเว หทยํ ปณฺฑิตานํ