โย จ ตํ ภตฺตา มญฺเญยฺย สกฺกจฺจนฺตํ อุปฏฺฐหิ

โน เจ ตํ ภตฺตา มญฺเญยฺย มยา วิปฺปวเสน เต

อญฺญํ ภตฺตารํ ปริเยสิ มา กิลิตฺถ มยา วินาติ ฯ

ตตฺถ ทเยสีติ ทยํ เมตฺตํ กเรยฺยาสิ ฯ โย จ ตํ ภตฺตา มญฺเญยฺยาติ ภทฺเท โย จ มยิ คเต อหํ เต ภตฺตา ภวิสฺสามีติ มญฺญิสฺสติ ตํปิ สกฺกจฺจํ อุปฏฺฐเหยฺยาสิ ฯ มยา วิปฺปวเสน เตติ มยา สทฺธึ ตว วิปฺปวาเสน สเจ โกจิ อหํ เต ภตฺตา ภวิสฺสามีติ ตํ น มญฺเญยฺย อถ สยเมว อญฺญํ ภตฺตารํ ปริเยสิ ฯ มา กิลิตฺถ มยา วินาติ มยา วินา ภูตา หุตฺวา มา กิลา ภว มา กิลมสีติอตฺโถ ฯ