ตตฺถ ธมฺมิกํ วรนฺติ ธมฺมิกราชูนํ อนฺตเร อุตฺตมํ ฯ อวรุทฺธสีติ รฏฺฐา นีหรสิ ฯ ภูตาติ อตีตา ฯ ภวิสฺสเรติ เย จ อนาคเต ภวิสฺสนฺติ ปจฺจุปฺปนฺเน จ นิพฺพตฺตา ฯ โสหํ สเก อภิสสินฺติ โส อหํ อตฺตโน นครวาสิโนเยว ปีเฬสึ กึ กโรนฺโต ฯ ยชมาโนติ ทานํ ททมาโน ฯ สเก ปุเรติ สกปาสาเท ฯ ปาลิยํ ปน โสหํ ทานํ ททมาโนติ ลิขิตํ ฯ นิรชฺชหนฺติ นิกฺขมนฺโต อหํ ฯ อฆนฺตนฺติ ยํ อรญฺเญ วสนฺเตน ปฏิเสวิตพฺพํ ทุกฺขํ ตํ ปฏิเสวิสฺสามิ ฯ ปงฺกมฺหีติ ตุเมฺห ปน กามปงฺเก สีทถาติ วทติ ฯ

อิติ มหาสตฺโต อิมาหิ จตูหิ คาถาหิ ปิตรา สทฺธึ กเถตฺวา มาตุ สนฺติกํ คนฺตฺวา วนฺทิตฺวา ปพฺพชฺชํ อนุชานาเปนฺโต อาห

อนุชานาหิ มํ อมฺม ปพฺพชฺชา มม รุจฺจติ

โสหํ สเก อภิสสึ ยชมาโน สเก ปุเร