สาชฺช มทฺที อรญฺญสฺมึ ปตฺติกา ปริธาวตีติ ฯ

ตตฺถ ลกฺขณมาคตนฺติ สพฺพลกฺขณสมปนฺนํ มทฺทึ อาคตํ ฯ ปริธาวตีติ เอวํ สุขุมาลี วต หุตฺวา ปตฺติกาว วิจรติ ฯ ปริยายิตฺวาติ ปุพฺเพ เชตุตฺตรนคเร วิจริตฺวา ฯ สิวิกายาติ สุวณฺณสิวิกาย ฯ

มหาชโน มทฺทิญฺจ เวสนฺตรญฺจ เทฺว ปุตฺเต จสฺส อนาถาคมเนน อาคเต ทิสฺวา คนฺตฺวา ราชูนํ อาโรเจสิ ฯ เต สฏฺฐีสหสฺสา ราชาโน โรทนฺตา ปริเทวนฺตา ตสฺส สนฺติกํ อาคมึสุ ฯ

ตมตฺถํ ปกาเสนฺโต สตฺถา อาห