ตตฺถ วาริวโหติ ปญฺจสุ มหานทีสุ อุทกวาโห ฯ น ขียตีติ ปิปาสิเตหิ นทึ อาคนฺตฺวา หตฺเถหิ ภาชเนหิปิ อุสฺสิญฺจิตฺวา ปิวมาโน น ขียติ ฯ เอวนฺตํ ยาจิตา คญฺฉินฺติ ตฺวํ สทฺธาย ปูริตตฺตา เอวรูโปเยวาติ มญฺญมาโน อหนฺตํ ยาจิตุํ อาคญฺฉึ ฯ ปุตฺเต เม เทหิ ยาจิโตติ มยา ยาจิโต ตว ปุตฺเต มยฺหํ ทาสตฺถาย เทหีติ ฯ

ตํ สุตฺวา มหาสตฺโต โสมนสฺสปฺปตฺโต หุตฺวา ปาสาริตหตฺเถ สหสฺสตฺถวิกํ ฐเปนฺโต วิย ปพฺพตปาทํ อุนฺนาเทนฺโต อาห

ททามิ น วิกมฺปามิ อิสฺสโร นย พฺราหฺมณ

ปาโต คตา ราชปุตฺตี สายํ อุญฺฉาโต เอหิติ