ปาโต คตาสิ อุญฺฉาย กิมิทํ สายมาคตาติ ฯ

ตตฺถ กิมิทํ สายมาคตาติ มทฺทิ ตฺวํ อภิรูปา ปาสาทิกา หิมวนฺเต จ นาม พหู วนจรกา ตาปสวิชฺชาธราทโย จ วิจรนฺติ โก ชานาติ กิญฺจิ ตยา กตํ ตฺวํ ปาโตว คนฺตฺวา กิมิทํ สายมาคจฺฉสิ ทหรกุมาเร โอหาย อรญฺญคติตฺถิโย นาม สสฺสามิกิตฺถิโย วา อสฺสามิกิตฺถิโย เอวรูปา น โหนฺติ กา นุ โข เม ทารกานํ ปวุตฺติ กึ วา เม สามิโก จินฺเตสฺสตีติ เอตฺตกํปิ เต นาโหสิ ตฺวํ ปาโตว คนฺตฺวา จนฺทาโลเกน อาคจฺฉสิ มม ทุคฺคตภาวสฺเสเวส โทโสติ ตชฺเชตฺวา นิพฺพเชตฺวา กเถสิ ฯ

สา ตสฺส กถํ สุตฺวา อาห

นนุ ตฺวํ สทฺทมสฺโสสิ เย สรํ ปาตุมาคตา