สเจ มํ นาคนาสูรุ ปมฺหาเยยฺย ปภาวตี ฯ

เนกฺขํ คีวนฺเต กาเรสฺสํ ปตฺวา ขุชฺเช กุสาวตึ

สเจ มํ นาคนาสูรุ ปาณีภิ อุปสํผุเสติ ฯ

ตตฺถ เนกฺขํ คีวนฺเตติ ตว คีวํ สพฺพสุวณฺณเมว กาเรสฺสามีตฺยตฺโถ ฯ เนกฺขํ คีวนฺเต กริสฺสามีติปิ ปาโฐ ฯ ตว คีวายํ เนกฺขมยํ ปิลนฺธนํ ปิลนฺธิสฺสามีติ อตฺโถ ฯ โอโลเกยฺยาติ สเจ ตว วจเนน มํ ปภาวตี โอโลเกยฺย สเจ มํ ตาย โอโลกาเปตุํ สกฺขิสฺสสีติ อตฺโถ ฯ สลฺลเปยฺยาติ อาทีสุปิ เอเสว นโย ฯ เอตฺถ ปน อุมฺหาเยยฺยาติ มนฺทหสิตวเสน ปริหาเสยฺย ฯ ปมฺหาเยยฺยาติ มหาหสิตวเสน ปริหาเสยฺยาติ ฯ