ยถา ปุญฺญานิ กยิราถ ททนฺตา อปราปรนฺติ ฯ

ตตฺถ ฉนฺโนติ อนุรูโป ฯ อุโภ สมานวณฺณิโนติ สมานวณฺณา อุโภปิ ปริสุทฺธาเยว ฯ สมานมนเจตสาติ อาจาราทีหิ สมาเนน มนสํขาเตน เจตสา สมนฺนาคตา ฯ อวรุทฺเธตฺถาติ รฏฺฐโต ปพฺพาชิตา หุตฺวา เอตฺถ อรญฺเญ วสถ ฯ ยถา ปุญฺญานีติ ยถา เชตุตฺตรนคเร โว พหูนิ ปุญฺญานิ กตานิ หิยฺโย ปุตฺตานํ อชฺช ภริยาย ทานวเสนปิ กตานีติ เอตฺตเกเนว ปริโตสํ อกตฺวา ตโต อุตฺตรึปิ อปราปรํ ททนฺตา ยถานุรูปานิ ปุญฺญานิ กเรยฺยาถ เยวาติ ฯ

อถ สกฺโก มหาสตฺตสฺส มทฺทึ ปฏิจฺฉาเทตฺวา วรํ ทาตุํ อตฺตานํ อาจิกฺขนฺโต อาห

สกฺโกหมสฺสมิ เทวินฺโท อาคโตสฺมิ ตวนฺติเก