สหสฺสคฺฆํ หิ มํ ตาต พฺราหฺมณสฺส ปิตา อทา

อจฺฉํ กณฺหาชินํ กญฺญํ หตฺถิอาทิสเตน วาติ ฯ

ตตฺถ สหสฺสคฺฆมฺหิ มนฺติ เทว มํ ตาโต นิกฺขสหสฺส อคฺฆาเปตฺวา ตสฺส อทาสิ ฯ อจฺฉนฺติ กนิฏฺฐํ ปน เม กณฺหาชินํ กญฺญํ ฯ หตฺถิอาทิสเตนาติ หตฺถินา อสฺเสน จ รเถน จาติ สพฺเพสํ เอเตสํ สตานํ สเตน อนฺตมโสปิ มญฺจปีฐเก อุปาทาย สพฺพสเตน อคฺฆาเปสีติ อาห ฯ

ตํ สุตฺวา ราชา กุมารานํ นิกฺกยํ ทาเปนฺโต อาห