จมฺมวาสี ฉมา เสติ ชาตเวทํ นมสฺสตีติ ฯ

ตตฺถ ขนนฺตาลุกลมฺพานีติ อาลูนิ จ กลมฺพานิ จ ขนนฺติ อิมินา มาตาปิตูนํ กิจฺเฉน ชีวิตํ วณฺเณติ ฯ ตนฺโนติ เอตฺถ โนติ นิปาตมตฺตํ ฯ ปทุมํ หตฺถคตมิวาติ หตฺเถน ปริมทฺทิตํ ปทุมํ วิย ชาตา ฯ ปตนูเกสาติ เทว อมฺมาย เม พฺรหาวเน วิจรนฺติยา เต ภมรปตฺตวณฺณา กาฬเกสา รุกฺขสาขาทีหิ วิลุตฺตา ปตนูเกสา ชาตา ฯ ชลฺลมธารยีติ อุโภหิ กจฺเฉหิ ชลฺลิกํ ธาเรติ กิลิฏฺฐเวเสน วิจรตีติ ฯ

โส เอวํ มาตุ ทุกฺขิตภาวํ กเถตฺวา ปุน อยฺยกํ โจเทนฺโต อิมํ คาถมาห

ปุตฺตา ปิยา มนุสฺสานํ โลกสฺมึ อุทปชฺชึสุ