ตตฺถ อุปถทฺธาติ อติถทฺธา ทปฺปิตา ฯ อาเนเตตํ ปภาวตินฺติ อาเนตุ เอตํ ปภาวตินฺติ สาสนํ ปหิณสฺสุ ตสฺมา ยาว เอเต นครปาการํ น ภินฺทนฺติ ตาว เนสํ ปภาวตึ เปเสหิ มหาราชาติ ฯ

ตํ สุตฺวา ราชา สจาหํ เอกสฺส ปภาวตึ เปเสสฺสามิ เสสา ยุทฺธํ กริสฺสนฺติ น สกฺกา เอกสฺส ทาตุํ สกลชมฺพูทีเป อคฺคราชานํ วิรูโปติ ฉฑฺเฑตฺวา อาคตา อาคมนสฺส ผลํ ลภตุ วธิตฺวาน นํ สตฺตกฺขณฺฑานิ กตฺวา สตฺตนฺนํ ราชูนํ เปเสสฺสามีติ วทนฺโต อนนฺตรํ คาถมาห

สตฺต ขณฺเฑ กริตฺวาน อหเมตํ ปภาวตึ

ขตฺติยานํปิ ทสฺสามิ เย มํ หนฺตุํ อิธาคตาติ ฯ