ธีตรํ มม หนฺตฺวาน ขตฺติยานํ ปทสฺสสีติ ฯ

ตตฺถ อสินาติ ผรสุํ สนฺธายาห ฯ โส หิ อิมสฺมึ ฐาเน อสิ นาม ชาโต ฯ สุสญฺญํ ตนุมชฺฌิมนฺติ สุฏฺฐุ สญฺญาตํ ตนุมชฺฌิมํ ฯ

อถ นํ ราชา สญฺญาเปนฺโต อาห เทวิ กึ กเถสิ ตว ธีตา สกลชมฺพูทีเป อคฺคราชานํ วิรูโปติ ฉฑฺเฑตฺวา อาคมนมคฺเค อวินฏฺเฐเยว มจฺจุํ นลาเตน อาทาย อาคตา อิทานิ อตฺตโน รูปํ นิสฺสาย อิสฺสริยผลํ ลภตูติ ฯ สา ตสฺส วจนํ สุตฺวา ธีตุ สนฺติกํ คนฺตฺวา วิลปนฺตี อาห

น เม อกาสิ วจนํ อตฺถกามาย ปุตฺติเก