กุโส เจ อาคโต อสฺส กึ น ชาเนมุ ตํ มยนฺติ ฯ

ตตฺถ พาลาติ สํมุฬฺหา อญาณา หุตฺวา ฯ กึ น ชาเนมูติ เกน การเณน ตํ น ชาเนยฺยาม ฯ โส หิ อนฺตรามคฺเค ฐิโตว อมฺหากํ สาสนํ เปเสยฺย สมุสฺสิตธชา จตุรงฺคินี เสนา ปญฺญาเยถ ตฺวํ ปน มรณภเยน นํ กเถสีติ ฯ

สา เอวํ วุตฺเต น เม มาตา สทฺทหติ ตสฺส อิธาคนฺตฺวา สตฺต มาเส วสนภาวํ น ชานาติ ทสฺเสสฺสามิ นนฺติ จินฺเตตฺวา มาตรํ หตฺเถ คเหตฺวา สีหปญฺชรํ วิวริตฺวา หตฺถํ ปสาเรตฺวา ทสฺเสนฺตี คาถมาห

เอโส อาฬาริโก โปโส กุมารีปุรมนฺตเร