ทฬฺหํ กตฺวาน สํเวลํ กุมฺภํ โธวติ โอนโตติ ฯ

ตตฺถ กุมารีปุรมนฺตเรติ วาตปาเน ฐิตา ตว ธีตานํ กุมารีนํ วสนฏฺฐานนฺตเร โอโลเกหิ ฯ สํเวลนฺติ กจฺฉํ พนฺธิตฺวา กุมฺภํ โธวตีติ ฯ

โส กิร ตทา อชฺช มม มโนรโถ มตฺถกํ ปาปุณิสฺสติ อทฺธา มรณภยตชฺชิตา ปภาวตี มม อาคตภาวํ กเถสฺสติ ภาชนานิ โธวิตฺวา ปฏิสามิสฺสามีติ อุทกํ อาหริตฺวา ภาชนานิ โธวิตุํ อารภิ ฯ อถ นํ มาตา ปริภาสนฺตี คาถมาห

เวณี ตฺวมสิ จณฺฑาลี อาทูสิ กุลคนฺธินี