น จาปิ อปฺปิยํ ตุยฺหํ กเรยฺยามิ อหํ ปุน ฯ

เอวญฺเจ ยาจมานาย วจนํ เม น กาหสิ

อิทานิ มํ ตาโต หนฺตฺวา ขตฺติยานํ ปทสฺสตีติ ฯ

ตตฺถ รตฺยาติ รตฺติโย ฯ ตา อิมาติ อิมา ตา สพฺพาปิ ตยา วินา อติกฺกนฺตา ฯ สจฺจนฺเต ปฏิชานามีติ มหาราช เอตฺตกํ กาลํ มยา ตว อปฺปิยเมว กตํ อิทนฺเต อหํ สจฺจํ ปฏิชานามิ อปรํปิ สุโณหิ เม อิโต ปฏฺฐายาหํ ปุน ตุยฺหํ อปฺปิยํ น กริสฺสามิ ฯ เอวญฺเจติ สเจ เอวํ ยาจมานาย มม ตฺวํ วจนํ น กริสฺสสีติ ฯ