น จาปิ อปฺปิยํ ตุยฺหํ กเรยฺยามิ อหํ ปุน ฯ

ตว กามา หิ สุสฺโสณิ พหุทุกฺขํ ติติกฺขิสฺสํ

พหุมทฺทกุลํ หนฺตฺวา นยิตุํ ตํ ปภาวตีติ ฯ

ตตฺถ กึ น กาหามีติ กึการณา ตว วจนํ น กริสฺสามีติ ฯ วิกุทฺโธ ตฺยสฺมีติ นิกฺกุทฺโธ นิกฺโกโป ตุยฺหํ อสฺมิ ฯ สจฺจนฺเตติ วิกุทฺธภาวญฺจ อิทานิ อปฺปิยกรณญฺจ อุภยนฺเต อิทํ สจฺจเมว ปฏิชานามิ ฯ ตว กามาติ ตว กาเมน ตํ อิจฺฉมาโน ฯ ติติกฺขิสฺสนฺติ อธิวาเสมิ ฯ พหุมทฺทกุลํ หนฺตฺวาติ มทฺทราชกุลํ หนิตฺวา พลกฺกาเรน ตํ อาเนตุํ สมตฺโถมฺหีติ ฯ