สุมุข อนุวิจินนฺตา ปกฺกมนฺติ วิหงฺคมา

คจฺฉ ตุวํปิ มา กงฺขิ นตฺถิ พนฺเธ สหายตาติ ฯ

ตตฺถ อนุวิจินนฺตาติ สิเนเหน อาลยวเสน อโนโลเกนฺตา ฯ ปกฺกมนฺตีติ เอเต ฉนฺนวุติหํสสหสฺสา ญาติคณวิหงฺคมา มํ ฉฑฺเฑตฺวา คจฺฉนฺติ ตฺวํปิ คจฺฉ มา อิธ วาสํ อากงฺขิ เอวํ หิ ปาเสน พนฺเธ มยิ สหายตา นาม นตฺถิ น หิ เต อหํ อิทานิ กิญฺจิ สหายกิจฺจํ กาตุํ สกฺขิสฺสามิ กินฺเต มยา นิรุปกาเรน ปปญฺจํ อกตฺวา คจฺเฉวาติ วทติ ฯ

ตโต ปรํ สุมุโข อาห