ปเตว ปตตํ เสฏฺฐ นตฺถิ พนฺเธ สหายตา

มา อนีฆาย หาเปสิ กามํ สุมุข ปกฺกมาติ ฯ

ตตฺถ ภยเมริตาติ ภยเอริตา ภยตชฺชิตา ภยจลิตา ฯ ตติยปเท หรีติปิ เหมนฺติปิ สุวณฺณสฺเสว นามํ ฯ โสปิ หริตจตาย เหมวณฺโณ ฯ เตน นํ เอวํ อาลปติ ฯ สุมุขาติ สุนฺทรมุข ฯ อนเปกฺขมานาติ เต ญาตโย อโนโลเกตฺวา นิราลยา หุตฺวา ฯ ปเตวาติ อุปฺปตาหิเยว ฯ อนีฆายาติ อิโต คนฺตฺวา ปตฺตพฺพาย นิทฺทุกฺขภาวาย วิริยํ มา หาเปสิ ฯ

ตํ สุตฺวา สุมุโข อยํ หํสราชา มม มิตฺตภาวํ น ชานาติ อนุปฺปิยภาวมิตฺโตติ มํ สลฺลกฺเขติ สิเนหภาวมสฺส ทสฺสิสฺสามีติ จินฺเตตฺวา จตสฺโส คาถา อภาสิ