เอวํ เตสํ กถยมานญฺเญว ลุทฺทปุตฺโต สรปริยนฺเต ฐิโต หํเส ตีหิ คเณหิ ปลายนฺเต ทิสฺวา กินฺนุ โขติ ปาสโอฑฺฑิตฏฺฐานํ โอโลเกนฺโต โพธิสตฺตํ ปาสยฏฺฐิยํ โอลมฺพนฺตํ ทิสฺวา สญฺชาตโสมนสฺโส กจฺฉํ พนฺธิตฺวา มุคฺครํ คเหตฺวา กปฺปุฏฺฐานคฺคิ วิย อวตฺถรนฺโต ปณฺหิยา อกฺกนฺตกลลํ อุปริ สีเสน คนฺตฺวา ปุรโต ปตนฺโต เวเคน อุปสงฺกมิ ฯ

ตมตฺถํ ปกาเสนฺโต สตฺถา อาห

อิจฺเจวํ มนฺตยนฺตานํ อริยานํ อริยวุตฺตินํ

ทณฺฑมาทาย เนสาโท อาปตี ตุริโต ภุสํ ฯ