มณโย สงฺขมุตฺตญฺจ วตฺถิกํ หริจนฺทนํ

อชินํ ทนฺตภณฺฑญฺจ โลหํ กาฬายสํ พหุํ

เอตํ ททามิ โว วิตฺตํ อิสฺสริยํ วิสฺสชามิ โวติ ฯ

ตตฺถ อตฺถีติ นิทหิตํ ฯ มุตฺตาติ วิทฺธาวิทฺธมุตฺตา ฯ มณโยติ มณิภณฺฑกานิ ฯ สงฺขมุตฺตญฺจาติ ทกฺขิณาวฏฺฏสงฺขรตนญฺจ อามลกวฏฺฏมุตฺตรตนญฺจ ฯ วตฺถิกนฺติ สุขุมกาสิกวตฺถานิ ฯ อชินนฺติ อชินมิคจมฺมํ ฯ โลหํ กาฬายสนฺติ ตมฺพโลหญฺจ กาฬโลหญฺจ ฯ อิสฺสริยนฺติ กาญฺจนมาเลน เสตจฺฉตฺเตน สทฺธึ ทฺวาทสโยชนิเก พาราณสินคเร รชฺชํ ฯ