ตํ ปทกฺขิณโต กตฺวา ญาตี ปสฺเสมุรินฺทมาติ ฯ

ตตฺถ ธมฺเมสูติ ทสสุ กุสลกมฺมปถธมฺเมสุ ฯ อาจริโยติ ตฺวํ อมฺเหสุ พฺยตฺตตโร ตสฺมา โน ตตฺถ อาจริโย โหหิ ฯ อปิจ ทสนฺนํ ราชธมฺมานํ กถิตตฺตาปิ สุมุขสฺส โทสํ ทสฺเสตฺวา อจฺจยํ ปริคฺคหณสฺส กตตฺตาปิ ตฺวํ ปน อมฺหากํ อาจริโย ภว ตสฺมา อิทานิปิ โน อาจารสิกฺขาปเนน อาจริโย ภวาติ อาห ฯ ปสฺเสมุรินฺทมาติ ปสฺเสมุ อรินฺทม ฯ

โส เตสํ คมนํ อนุชานาติ ฯ โพธิสตฺตสฺสาปิ ธมฺมํ กเถนฺตสฺเสว อรุณํ อุฏฺฐหิ ฯ

ตมตฺถํ ปกาเสนฺโต สตฺถา อาห