มหาสตฺโต สุวณฺณจงฺโกฏกโต อุปฺปติตฺวา มา จินฺตยิตฺถ มหาราช อปฺปมตฺโต อมฺหากํ โอวาเท วตฺเตยฺยาสีติ ราชานํ อสฺสาเสตฺวา สุมุขํ อาทาย จิตฺตกูฏเมว คโต ฯ ตานิปิ โข ฉนฺนวุติหํสสหสฺสานิ กาญฺจนคุหาโต นิกฺขมิตฺวา ปพฺพตตเล นิสินฺนา เต อาคจฺฉนฺเต ทิสฺวา ปจฺจุคฺคนฺตฺวา ปริวาเรสุํ ฯ เต ญาติคณปริวุตา จิตฺตกูฏํ ปวิสึสุ ฯ

ตมตฺถํ ปกาเสนฺโต สตฺถา อาห

เต อโรเค อนุปฺปตฺเต ทิสฺวาน ปรเม ทิเช

เกเกติมกรุํ หํสา ปุถุสทฺโท อชายถ ฯ