ตตฺถ ทิฏฺฐินฺติ หิรี นาม มหาคุณา อริยปูชิตาติ ทิฏฺฐึ ฯ โอทหีติ หทเย ปเวเสสิ ฯ เสฏฺฐสมฺมตาติ ตว สนฺติเก สุธาย ลทฺธกาลโต ปฏฺฐาย อินฺทสฺส สนฺติเก กญฺจนเสนาสนํ ลภิตฺวา สพฺพเทวตาหิ ปูชิยมานา อุตฺตมสมฺมตา ชายถาติ ฯ

เอวํ ตสฺมึ กเถนฺเตเยว โกสิยสฺส ตํ ขณญฺเญว นสฺสนธมฺโม ชาโต ฯ อถ นํ มาตลิ โกสิย อายุสงฺขาโร เต โอสฺสฏฺโฐ จวนธมฺโมปิ เต สมฺปตฺโต กึ เต มนุสฺสโลเกน เทวโลกํ คจฺฉามาติ ตตฺถ เนตุกาโม หุตฺวา คาถมาห

หนฺเทหิ ทานิ ติทิวํ อปกฺกม

รถํ สมารุยฺห มมายิตํ อิทํ