เอวํ วุตฺเต มหาชโน มหาสตฺตสฺส มธุรธมฺมกถํ สุตฺวา อโห สุกถิตนฺติ สาธุการมทาสิ ฯ โสปิ เอตฺตเกหิ การเณหิ อิตฺถีนํ อคุณํ กเถตฺวา ตุณฺหี อโหสิ ฯ

ตํ สุตฺวา อานนฺโท คิชฺฌราชา สมฺม กุณาลราช อหํปิ อตฺตโน ญาณพเลน อิตฺถีนํ อคุณํ กเถสฺสามีติ วตฺวา อคุณกถํ อารภิ ฯ

ตํ ทสฺเสนฺโต สตฺถา อาห อถ ขลุ โภ อานนฺโท คิชฺฌราชา กุณาลสฺส สกุณสฺส อาทิมชฺฌคาถาปริโยสานํ วิทิตฺวา ตายํ เวลายํ อิมา คาถา อภาสิ

ปุณฺณํปิ เจมํ ปฐวึ ธเนน