เอวํ อตฺตโน ญาเณ ฐตฺวา อานนฺโท คิชฺฌราชา อิตฺถีนํ อคุณํ กเถตฺวา ตุณฺหี อโหสิ ฯ ตสฺส วจนํ สุตฺวา นารโท อิสิ อตฺตโน ญาเณ ฐตฺวา ตาสํ อคุณํ กเถสิ ฯ

ตํ ทสฺเสนฺโต สตฺถา อาห อถ ขลุ โภ นารโท อิสิ พฺราหฺมโณ อานนฺทสฺส คิชฺฌราชสฺส อาทิมชฺฌคาถาปริโยสานํ วิทิตฺวา ตายํ เวลายํ อิมา คาถาโย อภาสิ

จตฺตาโรเม น ปูเรนฺติ เต เม สุณาถ ภาสโต

สมุทฺโท พฺราหฺมโณ ราชา อิตฺถี วาปิ ทิชมฺปติ ฯ