เอวํ มหาสตฺโต อมตํ มหานิพฺพานํ ปาเปตฺวา เทสนํ นิฏฺฐเปสิ ฯ หิมวนฺเต กินฺนรมโหรคาทโย อากาเส ฐิตา เทวตา จ อโห พุทฺธลีลาย สุกถิตํ สาธุ สาธูติ สาธุการํ อทํสุ ฯ อานนฺโท คิชฺฌราชา นารโท พฺราหฺมโณ ปุณฺณมุโข จ ปุสฺสโกกิโล อตฺตโน อตฺตโน ปริสํ อาทาย สกฏฺฐานเมว อคมํสุ ฯ มหาสตฺโตปิ สกฏฺฐานเมว คโต ฯ อิตเร ปน อนฺตรนฺตรา อาคนฺตฺวา มหาสตฺตสฺส สนฺติเก โอวาเท ฐตฺวา สคฺคปรายนา อเหสุํ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนนฺโต โอสานคาถมาห

กุณาโลหํ ปุเร อาสึ โอทายี ปุสฺสโกกิโล

อานนฺโท คิชฺฌราชาสิ สารีปุตฺโต จ นารโท