ตตฺถ ยํ ปณฺฑิตาติ ยํ ตุมฺหาทิสา ปณฺฑิตา อญฺเญสํ โสกนุทา ภวนฺติ เอตํ โสกวิโนทนํ อญฺเญสํ ทีปํ มหาสมุทฺเท ภินฺนนาวานํ ทีโป วิย ปติฏฺฐา โหติ ตสฺมา ตุมฺหาทิสา มติมนฺโต น รุทนฺตีติ อตฺโถ ฯ กิเมว ตฺวนฺติ สมฺม สุตโสม ตุมฺหาทิเส มรณภเยน โรทนฺเต อญฺเญ อนฺธพาลา กึ กริสฺสนฺติ อปิ จ ตํ ปุจฺฉามิ อิเมสุ อตฺตาทีสุ กิเมว ตฺวํ สุตโสมานุตปฺเปติ กิเมว โสจสิ กึ จินฺเตสีติ อตฺโถ ฯ

สุตโสโม อาห

น จาหมตฺตานมนุตฺถุนามิ

น ปุตฺตทารํ น ธนํ น รฏฺฐํ