เย จสฺส กงฺขํ วินยนฺติ สนฺโต

ตญฺหิสฺส ทีปญฺจ ปรายนญฺจ

น เตน เมตฺตึ ชิรเยถ ปญฺโญติ ฯ

ตตฺถ ยสฺสาติ ยมฺหา ปุริสา ฯ ธมฺมนฺติ กุสลากุสลโชตกํ การณํ ฯ วิชญฺญาติ วิชาเนยฺย ฯ ตญฺหิสฺสาติ ตํ อาจริยปุคฺคลํ เอตสฺส ปุคฺคลสฺส ปติฏฺฐานฏฺเฐน ทีปํ อุปฺปนฺเน ภเย คนฺตพฺพฏฺฐานฏฺเฐน ปรายนญฺจ ฯ น เตน เมตฺตินฺติ เตน อาจริยปุคฺคเลน สห ปณฺฑิโต เกนจิปิ การเณน เมตฺตึ น ชิรเยถ น วินาเสยฺยาติ อตฺโถ ฯ