เอวํ โส นีจาสเน นิสินฺนสฺส ราชปุตฺตสฺส โอวาทํ ทตฺวา กาลหตฺถิ ตฺวํ รญฺโญ สหาโย เจว เสวโก จ รญฺญาปิ มหนฺเต อิสฺสริเย ปติฏฺฐาปิโต ตยาปิ รญฺโญ อตฺถํ จริตุํ วฏฺฏตีติ เสนาปตึ อนุสาเสตฺวา เทวิ ตฺวํปิ กุลเคหา อาคนฺตฺวา ตสฺส สนฺติเก อคฺคมเหสิฏฺฐานํ ปตฺวา ปุตฺตธีตาหิ วุฑฺฒิปฺปตฺตา ตยาปิ ตสฺส อตฺถํ จริตุํ วฏฺฏตีติ เทวิยาปิ โอวาทํ ทตฺวา ตเมวตฺถํ มตฺถกํ ปาเปตุํ ธมฺมํ เทเสนฺโต อาห

น โส ราชา โย อเชยฺยํ ชินาติ

น โส สขา โย สขารํ ชินาติ

น สา ภริยา ยา ปติโน น วิเภติ