เอโก อรญฺเญ ปพฺพชิโต น กาเม อภิปตฺถเยติ ฯ

ตตฺถ ปิตุ มาตุ จาติ ปิตรา จ มาตรา จ ฯ จตฺโตติ ปริจฺจตฺโต ฯ อิตเรสุปิ เอเสว นโย ฯ มตฺยาติ สมฺม สารถิ อหํ สตฺตาหํ รชฺชํ ปริจฺฉินฺทิตฺวา วรํ คณฺหนฺติยา มาตรา อนุญฺญาโต นาม ฯ สญฺจตฺโตติ สุฏฺฐุจตฺโต ฯ ปพฺพชิโตติ ปพฺพชิตฺวา อรญฺเญ วสนตฺถาย นิกฺขนฺโตติ อตฺโถ ฯ

เอวํ มหาสตฺตสฺส อตฺตโน คุเณ กเถนฺตสฺเสว ปีติ อุปฺปชฺชิ ฯ ตโต ปีติเวเคน อุทานํ อุทาเนนฺโต อาห

อปิ อตรมานานํ ผลาสาว สมิชฺฌติ