na cāhaṃ paṇṇakaṃ bhuñje na hetaṃ mayha bhojanaṃ

sālīnaṃ odanaṃ bhuñje sucimaṃsupasecananti.

Tattha na cāhanti vuttapaṭikkhepavacanaṃ.

Paṭikkhipitvā ca pana rājā attano bhojanaṃ vaṇṇetvā tasmiṃ gāravena thokaṃ paṇṇakaṃ hatthatale ṭhapetvā tāta tavaṃ evarūpaṃ bhojanaṃ bhuñjasīti āha. Āma mahārājāti. Rājā puttena saddhiṃ piyakathaṃ kathento nisīdi.