Satthā imaṃ dhammadesanaṃ āharitvā na bhikkhave idāneva pubbepi ahaṃ rajjaṃ pahāya nikkhantoyevāti vatvā saccāni pakāsetvā jātakaṃ samodhānesi. Tadā chatte adhivatthā devatā uppalavaṇṇā ahosi. Sārathi sāriputto ahosi. Sakko anuruddho ahosi. Mātāpitaro mahārājakulāni ahesuṃ. Sesaparisā buddhaparisā ahesuṃ. Mūgapakkhapaṇḍito pana ahameva sammāsambuddhoti.

Temiyajātakaṃ niṭṭhitaṃ.