Sā kira mā ca tavaṃ pati metīti vuttāpi mahāsattaṃ anubandhiyeva. Rājā pana taṃ nivattetuṃ na sakkoti. Mahājanopi taṃ anubandhiyeva. Tato pana ekā aṭavī avidūre hoti. Atha mahāsatto nīlavanarājiṃ disvā deviṃ nivattetukāmo hutvā gacchantoyeva maggasamīpe muñjatiṇaṃ addasa. So tato īsakaṃ luñcitvā deviṃ pakkosāpetvā bhadde sīvali imaṃ passa ayaṃ pana idha puna ghaṭetuṃ na sakkā evameva puna mayhaṃ tayā saddhiṃ saṃvāso nāma ghaṭetuṃ na sakkotīti vatvā imaṃ upaḍḍhagāthamāha

muñjā īsakā pabyuḷhā ekā vihara sīvalīti.

Tattha ekāti bhadde sīvali muñjatiṇā pabyuḷhā mayā

Luñcitā puna ghaṭetuṃ na sakkā yathā evampi tava mayā saṃvāsaṃ kātuṃ na sakkā yasmā tasmā sīvali ahaṃ ekībhāvena viharissāmi tavaṃpi ekāva viharāhīti tassā ovādaṃ adāsi.