sammodamānā gacchāma pabbatāni vanāni ca

atha kena nu vaṇṇena utrāsanti migā mamanti.

Tattha na maṃ migāti maṃ disvā migā nāma na utrāsanti. Sāpadānīti bāḷmigā. Yato nidhinti yato kālato paṭṭhāya ahaṃ vākacīraṃ nivāsanaṃ parihāriṃ dhāresiṃ. Bhīrū kiṃpurisā rājāti mahārāja migā tāva tiṭṭhantu kiṃpurisā nāma atibhīrukā honti. Ye imasmiṃ gandhamādane nāma pabbate viharanti tepi maṃ disvā na utrāsanti atha kho mayaṃ aññamaññaṃ pabbatāni pabbatesu vanāni vanesu sammodamānā gacchāma. Utrāsanti migā mamanti mamaṃ disvā migā utrāseyyuṃ kena kāraṇena tvaṃ maṃ saddahāpessasīti dīpeti. Taṃ sutvā rājā mayā imaṃ suvaṇṇasāmaṃ niraparādhaṃ vijjhitvā musāvādo kathito saccameva kathesasāmīti cintetvā āha.

Na taddasa migo sāma kintāhaṃ alikaṃ bhaṇe