migānaṃ vighāsamanvesaṃ vanamūlaphalāni ca

ahaṃ kammakaro hutvā bharissāmi brahāvaneti.

Tattha vādināti tumhe hato sāmoti vadantena mayā saddhiṃ tayā no evaṃ guṇasampanno putto mārito idāni ko amhe bharissatīti ādīni vacanāni vatvā mā bāḷhaṃ paridevetha ahaṃ tumhākaṃ kammakaro hutvā sāmo viya tumhe bharissāmīti. Evaṃ vatvā rājā tumhe mā cintayittha na mayhaṃ rajjenattho ahaṃ vo yāvajīvaṃ bharissāmīti te assāsesi.

Atha tepī raññā saddhiṃ sallapantā āhaṃsu