idaṃ vatvāna maghavā devarājā sujampati

vedehamanusāsitvā saggakāyaṃ apakkamīti.

Tattha apakkamīti pakkāmi. Sudhammāya devasabhāyaṃ dvinnaṃ devasaṅghānaṃ nisinnānameva attānaṃ dassetīti attho.

Atha naṃ devagaṇā āhaṃsu mahārāja nanu tumhe na paññāyittha Kuhiṃ gatatthāti. Mārisā mithilāyaṃ nemirañño ekā kaṅkhā uppajji ahaṃ pañhaṃ kathetvā taṃ rājānaṃ nikkaṅkhaṃ katvā āgatomhīti.