uposathaṃ upavasi sadā sīlesu saṃvuto

saññamo saṃvibhāgo ca so vimānasmi modatīti.

Tattha najjoti ekā nadī taṃ vimānaṃ parikkhipitvā gatāti attho. Dumāyutāti sā nadī nānāpupphehi dumehi āyuttā. Mithilāyanti esa mahārāja kassapabuddhakāle videharaṭṭhe mithilanagare eko gahapati dānapati ahosi. So etāni puññakammāni katvā Imaṃ dibbasampattiṃ pattoti.

Evamassa tenāpi katakammaṃ ācikkhitvā purato rathaṃ pesetvā purimasadisameva aparaṃ veḷuriyavimānaṃ dassesi. Rājā tattha dibbasampattiṃ anubhavantassa devaputtassa katakammaṃ pucchi. Itaropissa ācikkhi.