Evantena imesaṃ aṭṭhannaṃ vimānānaṃ kathitakāle sakko devarājā mātali aticirāyatīti cintetvā aparampi javanadevaputtaṃ pesesi sakko devarājā taṃ pakkosatīti mātalissa ācikkhāhīti. So javenāgantvā tassa ārocesi. So tassa vacanaṃ sutvā na sakkā mayā idāni cirāyitunti ekappahāreneva bahūni vimānāni dassesi. So raññā tattha sampattiṃ anubhavantānaṃ devaputtānaṃ kammaṃ puṭṭho ācikkhi.
Vehāyasāme bahukā jātarūpā sunimmitā
daddaḷhamānā ābhenti vijjuvabbhaghanantare
tattha yakkhā mahiddhikā sabbābharaṇabhūsitā