etampi disvāna ahaṃ vadāmi

pañño vihīno sirimāva seyyoti.

Tattha atthampi ceti kāraṇampi ce bhāsati. Ñātimajjheti parisamajjhe. Paññāṇavatoti mahārāja ñāṇavantasseva sirisobhaggappattaṃ patvā pakatiyā vijjamānāpi sirī nāma na hoti so hi tassa santike suriyuggamane khajjopanako viya na khāyatīti dasseti.

Puna raññā kīdisaṃ tātāti vutte paṇḍito kiṃ jānāti senako idhalokamattameva oloketi na paralokanti vatvā imaṃ gāthamāha