āhu kattavidhā loke bālā paṇḍitamānino

mātaraṃ pitaraṃ haññe atho jeṭṭhaṃpi bhātaraṃ

haneyya puttadāre ca attho ce tādiso siyāti.

Tattha kattavidhāti khattavijjā . Ayameva vā pāṭho. Khattavijjācariyānaṃ etaṃ nāmaṃ. Bālā paṇḍitamāninoti bālā samānāpi paṇḍitā mayaṃ attano paṇḍitabhāvaṃ pakāsessāmāti maññamānā paṇḍitamānino hutvā evamāhu . Attho ceti sace attano tathārūpo koci attho siyā na kiñci parivajjeyya sabbaṃ haneyya vāti vadanti tvaṃpi nesaṃ aññataroti.