suvova suviṃ kāmeyya sāliko pana sālikaṃ

suvassa sālikāya ca saṃvāso hoti kīdisoti.

Tattha suvoti samma suvapaṇḍita suvova attano samānajātikaṃ suviṃ kāmeyya. Kīdisoti asamānajātikānaṃ saṃvāso nāma kīdiso hoti suvo hi samānajātikaṃ suviṃ disvā cirasanthavampi sālikaṃ jahissati so piyavippayogo mahato dukkhāya bhavissatīti asamānajātikānaṃ saṃvāso nāma kadāci na sametīti.

Itaro taṃ sutvā ayaṃ maṃ na paṭikkhipati parihārameva karoti addhā maṃ icchissati nānāvidhāhi naṃ upamāhi saddahāpessāmīti cintetvā āha